ताप्लेजुङमा निर्माणाधीन केवलकार बन्नु हुदैन भन्ने समूह र सुरक्षाकर्मीबीच भयानक भिडन्त भएको छ। स्थानीय सम्पदा मासेर केवलकार बनाउन खोजिएको भन्दै विरोध गरिरहेका प्रदर्शनकारीमाथि सरकारले दमन गर्न खोजेपछि स्थिति तनावग्रस्त बनेको हो।
आज साँझ ७स्४५ बजे ताप्लेजुङको बीरेन्द्र चोकमा मसाल जुलुस निकाल्ने क्रममा दोहोरो भिडन्त भएको छ। भिडन्तमा थुप्रै सुरक्षाकर्मी घाइते भएका छन्, जसको भिडियो सामाजिक सञ्जालमा भाइरल बनेको छ। सयौं प्रदर्शनकारीहरू विरोध प्रदर्शनमा उत्रिएका थिए। त्यहि क्रममा सुरक्षाकर्मिहरुले अवरोध गरेपछि झडपको अवस्था सिर्जना भएको हो।
सरकारले एउटा निजी कम्पनीको स्वार्थका लागि सुरक्षाकर्मीको प्रयोग गर्दै विरोध दबाउने प्रयास गरिरहेको आरोप लगाइएको छ। सुरक्षा संवेदनशीलतालाई बेवास्ता गर्दा स्थिति झन् जटिल बन्दै गएको छ।
ओली नेतृत्वको सरकारले सीमित व्यापारिक घरानाका लागि केवलकार निर्माणलाई बलपूर्वक अघि बढाउँदा ताप्लेजुङमा तनाव चुलिएको छ। दिनरात दोहोरो भिडन्त भइरहेकाले कुनै पनि बेला स्थिति नियन्त्रणभन्दा बाहिर जाने र रक्तपात हुने खतरा बढेको छ।
