पहिलो मतदान अनुभव समेट्दै गरिमाले लेखिन् मर्मस्पर्शी कविता

काठमाडौं । अभिनेत्री गरिमा शर्माले गृहथलो चितवनमा पुगेर मतदान गरेकी छन् । सामाजिक सञ्जालबाट फोटो सेयर गर्दैै उनले पहिलोपटक मतदान गरेको जनाएकी छन् ।

पहिलो मतदान अनुभव समेट्दै उनले कविता समेत लेखेकी छन् । गरिमाको कविता यस्तो छ :

मेरो पहिलो भोट

मेरो औंलामा लागेको यो निलो मसी
साधारण दाग होइन,
मेरो जिम्मेवारीको चिनो हो,
मेरो आवाज, मेरो अस्तित्व,
मेरो देशप्रतिको पहिलो कसम हो ।
जब म मतदान केन्द्र पुगेँ,
लाइनमा उभिँदा
मनमा हजारौँ प्रश्नहरू थिए,
डर लाग्थ्यो…
कतै गलत हातमा देश नपरोस्,
कतै मेरो पहिलो भोट
भोलिको पश्चाताप नबनोस् ।

प्रकाशित मिति: २१ फाल्गुन २०८२, बिहिबार