काठमाडौं । अभिनेत्री स्वस्तिमा खड्काले आफ्नो भोट जेनजी शहीदप्रति समर्पित रहेको बताएकी छन् । विहिबार प्रतिनिधिसभा निर्वाचनमा मतदान गरेपछि सामाजिक सञ्जालबाट उनले यसबारे जानकारी गराएकी छन् ।
क्यापसहितको क्याजुअल पहिरनमा प्रस्तुत भएकी स्वस्तिमाले भोट हालेको छापसहितको औंला देखाउँदै लेखेकी छन्, ‘यो पटकको मेरो मत जेनजी शहीदहरूप्रति समर्पित ।’
चुनाव अघिका पोस्टमा स्वस्तिमाले खुलेर राष्ट्रिय स्वतन्त्र पार्टी र उक्त दलको तर्फबाट उम्मेदवार बनेका बालेन शाहको समर्थन गरेकी थिइन् । भोटपछिको तस्वीरमा स्वस्तिमालाई उत्साही देख्न सकिन्छ ।
कामको कुरा गर्दा, स्वस्तिमा अभिनित फिल्म ‘लालीबजार’ प्रदर्शन तयारीमा छ ।
प्रकाशित मिति: २१ फाल्गुन २०८२, बिहिबार
प्रतिक्रिया