२६ चैत काठमाण्डौ – ललितपुरको पाटनस्थित कृष्ण मन्दिर परिसरमा भएको यो विभत्स घटनाको सुरुवात सामान्य ‘रङ नम्बर’बाट भएको प्रहरीले जनाएको छ।
बुधबार साँझ इमाडोल बस्ने सुमित नेम्बाङ र उनका भाइ सिर्जन नेम्बाङले कसैलाई फोन गर्ने क्रममा नम्बर मिलेन र झुक्किएर सञ्जीव नेपालीको मोबाइलमा पुग्यो। सुरुमा सामान्य संवाद भए पनि केहीबेरमै दुवै पक्षबीच भनाभन भयो र विवाद चर्किँदै गयो।
फोनमै एक–अर्कालाई चुनौती दिने अवस्था आएपछि सञ्जीवले उनीहरूलाई पाटन आउन भनेका थिए। त्यसपछि दाजुभाइ पाटन पुगेका थिए। भेट भएपछि सामान्य भनाभन झगडामा परिणत भयो।
त्यही क्रममा मासु पसलमा काम गर्ने सञ्जीवले आफूसँगै रहेको मासु काट्ने चक्कु निकालेर दुवै दाजुभाइमाथि अन्धधुुन्ध प्रुहार गरेका थिए। गम्भीर घाइते भएका उनीहरूलाई तत्काल अस्पताल लगिएको थियो, तर उपचारकै क्रममा दुवैको ज्यान गएको हो।
घटनापछि भाग्न खोजिरहेका मुख्य अभियुक्त सञ्जीव नेपालीसहित दुई जनालाई प्रहरीले नियन्त्रणमा लिएको छ। घटनाबारे विस्तृत अनुसन्धान भइरहेको प्रहरीले जनाएको छ।
प्रकाशित मिति: २६ चैत्र २०८२, बिहिबार
प्रतिक्रिया