काठमडौं कालेबुङ।
लामो समय देखि कविताकर्ममा साधनारत कवि राकेश क्रान्तिकारी यस पटक आफ्नो सोलो कविता कृति (अनाम प्रेमिका) लिएर पाठक माझ आमनेसामने गर्न आउँदैछन् ।
मुुक्त र स्वतन्त्र भावहरुलाई स्वच्छन्द रम्न दिने आफ्ना अभिव्यक्तिहरुमा बाँध्नसक्ने कवि राकेश आफ्ना कविताहरुमा केही अराजक पनि देखिन्छन् ।
केही उन्मुक्त,केही पारम्परिक,केही नियम प्रतिकूल र इमानदार अनुभूतिलाई शब्दमा उनेर पारदर्शी काव्यतात्मक झलक प्रस्तुत गर्नु उनको कविता लेखनको बिषेशता हो ।
कठिन समयलाई सम्बोधन गर्न कहिलेकाहीँ उनी लेखनमा आक्रमक भइजानु स्वाभाविकै हो,नवीन विम्बको अन्वेषण गर्दै अझ तिक्खर लक्षणाको खोजी टड्कारो रुपकको सन्धानमा उनको यात्रा अघि बढिरहेको भान हुन्छ पाठकलाई ।
(हाम्रो किताबघर)ले प्रकाशन गरेको (अनाम प्रेमिका)कविता कृतिको यहीँ अक्टोबर १८,को दिन कविकै गृहनगर कालेबुङमा विधिवत विमोचन हुँदै छ ।
प्रकाशित मिति: १८ आश्विन २०८२, शनिबार
प्रतिक्रिया